LI VWÈTUR'  D'OKÂZYON - Wallon - Houffalize

LI VWÈTUR'  D'OKÂZYON - La voiture d'occasion

C'è-st one fème k'aveût âvou treûs èfants k'èstint d'jà ol grande sicole (donc adolescents).
C'èst po v'dîre ki l'vwèture (poussette) po lès porminer divant ki n'sayèchent roter, rimîzée dins one cwane do gurnî (remisée dans un coin du grenier), n'èsteût nin dil'novèle an.née.
Èt tot minant li pus p'tit, li pus grand aveût fét do rodéyo su voye èt su lès pazès (les chemins et les sentiers). Lès brès èstint foû skwére, li coleûr do tissu distindou, lès rouwes hossint èt winklint (les roues avaient du jeu et crissaient) sûr min.me k'on lès areût ènôlées (même si on les avait huilées).
Passer one bonne creû su l'gûrnî (plus de 10 ans au grenier)! Li mouman n'aveût jamès âvou l'ocâzion di l'diner ol'famile ni a dès cnochances.
Pa, distèle, dji m'va m'è mète kite â tape-djus d'idélucs, o rècipark com on dit âdjoûrdu.
Mins, come a on Ardènès il è vint todi mâ di k'taper (comme à un Ardennais, ça lui en vient toujours mal de déjeter), èle pinsa: dji l'va mète deûs' treûs djoûrs su l'bward di l'grand route d'Oufalîje a Gouvi, kéke fî k'ça poûreût sièrvi à kékonke, moutwè a tchèrdji do bwès d'tchâfadje ou on ôte sakin uzadje.
Èle dimanda l'pèrmission a one vwèzine ki d'néve su l'grand route (dont la maison donnait sur la grand route). Avou one afiche: "A D'NER. CÈST PO RIN" (c'est gratuit).
Vla li samin.ne câzi oute, pont d'amateûr.
Èle ala dîre a l'fème: "dji m'va r'prinde mi agayon, mi fi irè (mon fils ira) l'taper o-z-ès tchinis' dil'comune".
"Mi ome a one idée", distèle li k'mére, "c'èst di scrîre dissus: okâzyon, a vinde, 150 euros".
"Vos't ome è-st on drole, todi po assoti lès djins", k'èle si riya (toujours pour faire le fou des gens, qu'elle pouffa de rire).
"Ça n'vos cosse rin d'sayi (ne coûte rien d'essayer). Lèyoz m' fé".
One eûre après, on bokèt d'cârton èsteût apliké: A VINDE OKÂZYON. 150 EUROS.
One nut' si passe, â matin li vwèture èsteût voye.
Tote bablou (folle), nosse fème va bouchi (frapper) a l'uch di l'vwèzine.
"Vos av' trové on amateûr po 150 eurôs?".
"Sûr ki nèni! Mins d'pinser ki vosse vîye rikète (antiquaillerie) valéve dès sous, i gna avoû vite kék'onke ki l'a hapée" (volée).
"Vosse ome èst vormint sûti èt rûzé (malin et rusé), ça n'èst nin po rin k'il èst jandâme".
René Dislaire © Wallon de Houffalize 17.02.2023

Présentation. Une ruse d'Ardennais pour se débarasser d'un tchinis'.