Bizarre poésie -1 - Wallon - Le Barbu sans barbe

BIZÂRE POWÉZIYE 1 - Wallon - Adamo - Le Barbu sans barbe

Adamo a tchanté on bârbou sins bâbe.
Por mi, d'ôte tchwès, i n.n'èsteût nin capâbe.  
C'èst come si mi dji scrîyeûs su on mochon
Sins ploumes: i gna pont, nin min.me on colon (pigeon).

Ostant dire k'a Ostande on veût des mouwètes
Riyeûzes ki séryeûz'mint pwartèt des lunètes.
Ki ça n'èst nin Aniye Cordi k'a tchanté Tata Yoyo
Mès ki c'èst Dalida èt Toto Coutougno.

C'èsteût one fâsse novèle k'o l'sicole do Barbou
On-z-aprind lès bâcèles a sogni lès moches a deûs cous (à deux culs).
Èt ça n'èst nin veûr ki l'chafouyeûs d'Francwès Pirète
Vind su l'Bate a Lîdje li dîmègne di l'confiture âs porètes (aux poireaux).

Li tram a Lîdje, on ni l'vèyrèt jamès, bonté divine,
Lès vwètures divint sèy fabrikées en Chine.
Non.na, non.na, Jean Clôde Van Dame, nom di cas’
Ni va nin tchanter avou Céline Dion a Las Végas.

On nos f'reût acreûre mès amis n'impôrt' di kwès,
Ki Napolèyon a pièrdou Watèrlo
Nin di çou k’a raconté Victôr Hugo,
Mins d'one barbansone indigèsse sope âs pwès (aux pois).

Arètoz l’fâve ki si Édite Piaf a tchanté Lèyiz’m plorer
C’èst Jules Bastin ki l’aveût fwart tchîr pistoné.
Îr li gazètî Françwès Di Brigode èn.na raconté one :
Incognito Édèn' Azâr va div'ni l'cloune mon Bougliyone.

La vérité, dji n’la jamès oyou ki dins one tchanson :
« On nous cache tout, on n’nous dit rien » di-st-i Jacques Dutronc.

René Dislaire © Wallon de Houffalize - 25.11.2023

Présentation. Fantaisie poétique en wallon de Houffalize sur l'invraisemble dans le monde des artistes. Céline Dion, Édith Piaf, Jean-Claude Van Damme, Annie Cordy, Dalida, Toto Cotugno...

Mots clés. bizarre,poesie,wallon,barbu,sans,barbe,adamo,napoleon,perdu,waterlo